Yaponiya vazirlar mahkamasi huzuridagi Kibernetik xavfsizlik va hodisalar oldini olish milliy markazi mahalliy aholini Pokemon Go o‘yinini o‘ynash chog‘ida zarur xavfsizlik choralariga rioya qilishga chaqirdi, deb yozadi “TASS”. Ushbu o‘yin yaqin kunlar ichida Yaponiyada rasman paydo bo‘lishi kutilmoqda.
Xususan, markaz odamlarni yurgan vaqtida, ayniqsa, temiryo‘l yaqinida o‘ynamaslikka, shuningdek, mashina yoki velosiped haydayotib, pokemonlarni tutmaslikka da’vat etdi. Bundan tashqari, o‘yinchilarga dastur oddiy fuqarolar kirishi taqiqlangan hududlarga pokemonlarni joylashtirsa ham, u yerga kirmaslikni tayinladi.
Pokemon Go — 2016-yilda chiqarilgan biryo‘la ko‘p foydalanuvchilar bilan birga o‘ynaladigan o‘yin. Uning maqsadi pokemonlarni qidirish va qo‘lga o‘rgatishdan iborat. O‘yinga to‘ldirilgan reallik elementlari kiritilgan, unda raqamli va real olam qo‘shilib ketadi: smartfon ekranidagi rasm real olamdagi obyektlarda aks etadi. Ayni paytda o‘yin 15 million martadan ko‘proq yuklab olindi, undan har kuni 20 million kishi foydalanadi.
Izoh (0)