Япония вазирлар маҳкамаси ҳузуридаги Кибернетик хавфсизлик ва ҳодисалар олдини олиш миллий маркази маҳаллий аҳолини Pokemon Go ўйинини ўйнаш чоғида зарур хавфсизлик чораларига риоя қилишга чақирди, деб ёзади «ТАСС». Ушбу ўйин яқин кунлар ичида Японияда расман пайдо бўлиши кутилмоқда.
Хусусан, марказ одамларни юрган вақтида, айниқса, темирйўл яқинида ўйнамасликка, шунингдек, машина ёки велосипед ҳайдаётиб, покемонларни тутмасликка даъват этди. Бундан ташқари, ўйинчиларга дастур оддий фуқаролар кириши тақиқланган ҳудудларга покемонларни жойлаштирса ҳам, у ерга кирмасликни тайинлади.
Pokemon Go — 2016 йилда чиқарилган бирйўла кўп фойдаланувчилар билан бирга ўйналадиган ўйин. Унинг мақсади покемонларни қидириш ва қўлга ўргатишдан иборат. Ўйинга тўлдирилган реаллик элементлари киритилган, унда рақамли ва реал олам қўшилиб кетади: смартфон экранидаги расм реал оламдаги объектларда акс этади. Айни пайтда ўйин 15 миллион мартадан кўпроқ юклаб олинди, ундан ҳар куни 20 миллион киши фойдаланади.
Изоҳ (0)