Google sun’iy intellekti elektr tokini tejab qoldi

Google kompaniyasi sun’iy intellekt yordamida chuqur mashina ta’limi sohasida tadqiqotchilik faoliyati bilan shug‘ullanuvchi DeepMind laboratoriyasini sotib olishga ketgan xarajatlarni qisman qoplashga muvaffaq bo‘ldi, deb yozadi N+1.

Kompaniya mutaxassislari neyrotarmoqdan o‘z data-markazlari energiya samaradorligini boshqarishda foydalandi. Ushbu neyrotarmoq 120 ga yaqin parametrlarni boshqaradi. Xususan, sun’iy intellekt serverlar va turli uskunalarning energiya iste’molini, sovutish tizimi ishini boshqaradi va hatto, derazalarni ochib-yopa oladi.

DeepMind asoschilaridan biri Demis Xassabis ta’kidlashicha, bunday yechim data-markazlarning energiya iste’molini bir necha foizga qisqartirib, ularning energiya samaradorligini 15 foizga oshirdi.

2014-yilda Google 4 402 836 megavatt/soat elektr energiyasini sarflagan, shuning kattagina qismi data-markazlarni energiya bilan ta’minlashga ketgan. Sarflanayotgan elektr energiyasining o‘n foizi tejalgan taqdirda ham, Google bir necha yil ichida yuzlab million dollar tejab qolishi mumkin. DeepMind’ni sotib olishga esa, qariyb 600 million dollar xarjlangan.