Yaponiyaning SoftBank telekommunikatsiya guruhi Buyuk Britaniyaning mobil qurilmalar uchun protsessorlar ishlab chiqaruvchi ARM Holdings kompaniyasini 100% aksiyalarini sotib olmoqda. Kelishuvning umumiy summasi 24,3 milliard funt sterlingni (32 milliard dollar) tashkil etdi. Bu haqda “RBK” xabar bermoqda.
ARM London birjasi savdolarida ishtirok etadigan texnologik kompaniyalar orasida qiymati eng yuqorisi bo‘lib, Samsung, Huawei va Apple o‘z qurilmalarida uning protsessorlaridan foydalanadi.
2016-yilning uchinchi choragida yakuniga yetishi ko‘zda tutilgan kelishuvga izoh bergan Buyuk Britaniya moliya vaziri Filip Xemmond mamlakat Yevroittifoqdan chiqish haqida qaror qabul qilingan referendumdan keyin ham xalqaro investorlar uchun jozibadorligini yo‘qotmaganini ta’kidladi.
Izoh (0)