IShID yil boshidan buyon Iroq va Suriyadagi hududining 12 foizini yo‘qotdi

IShID terrorchilik guruhi 2016-yilning birinchi yarmi davomida Iroq va Suriyadagi o‘z hududlarining 12 foizi ustidan nazoratni yo‘qotdi, deya xabar bermoqda “Interfaks” Britaniyaning IHS tadqiqot kompaniyasi ma’ruzasiga tayanib.

Shu tariqa, tahlilchilar ta’kidlashicha, terrorchilar o‘tgan yildagi ketma-ket yirik mag‘lubiyatlardan so‘ng kuchini qayta tiklay olmagan.

Olib borilgan hisob-kitoblarga ko‘ra, 2015-yilda IShID hududi 12,8 ming kvadrat kilometrga qisqargan, bu 14 foiz demakdir. 2016-yil 4-iyul holatiga ko‘ra, IShID Iroq va Suriyada taxminan 68,3 ming kvadrat kilometr hududni nazorat qiladi.

IHS ta’kidlashicha, IShID daromadlari ham sezilarli darajada kamaygan. 2015-yil o‘rtalarida u oyiga taxminan 80 million dollarni, 2016-yil martida esa 56 million dollarni tashkil etgan.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.