Ispaniya qiroli Filipp VI AQSh prezidenti Barak Obamaga Migel de Servantesning “Lamanchlik uddaburon idalgo Don Kixot” romani versiyasini sovg‘a qildi, deya xabar bermoqda “TASS” ABC gazetasiga tayanib.
Uning ma’lumotlariga ko‘ra, ispan monarxi Oq uy xo‘jayiniga romanning inglizcha versiyasini Obama uchun maxsus tayyorlangan charm muqovada taqdim etgan. Bundan tashqari, Filipp VI AQSh prezidentiga Qirollik saroyi fotosuratini hadya etdi.
Oq uy rahbari 9-iyul, shanba kuni kechqurun Ispaniyaga 15 yil ichidagi birinchi rasmiy tashrif bilan keldi, uning doirasida u qirol Filipp VI, shuningdek, hukumat raisi vazifasini bajaruvchi Mariano Raxoy bilan uchrashadi.
Izoh (0)