Meksika shimolidagi Tamaulipas shtatida 9-iyul, shanba kuni 14 kishi zo‘ravonlik qurboni bo‘ldi. Bu haqda “TASS” xabar bermoqda.
Shtat rasmiylariga ko‘ra, Syudad-Viktoriya shahrida jinoyatchilar 11 kishi — ikki erkak, to‘rt ayol va besh nafar boladan iborat oilaning umriga zomin bo‘ldi. Yana bir qurolli hujumda esa ikki ayol va bir erkak o‘ldirildi.
Tamaulipas hukumati bosh kotibi Erminio Garsa Palasiosning ta’kidlashicha, shtat va federal huquq-tartibot idoralari qotillarni qidirishga kirishdi. Tergov qotilliklarga shahardagi jinoiy guruhlar o‘rtasidagi mojaro sabab bo‘lgan deb hisoblamoqda.
Izoh (0)