AQSh rasmiylari Davlat kotibi lavozimini egallab turgan paytda shaxsiy kompyuter serveridan xizmat yozishmalarini olib borish uchun foydalangan Hillari Klintonga nisbatan jinoiy ayblov e’lon qilmasligi ehtimolga yaqin. Bu haqda 4-iyul, dushanba kuni CNN telekompaniyasi ma’lum qildi, deya xabar beradi “TASS”.
2-iyul kuni AQSh prezidentligiga Demokratlar partiyasidan nomzod Hillari Klinton Federal qidiruv byurosining Vashingtondagi shtab-kvartirasiga chaqirildi va 3,5 soat atrofida so‘roq qilindi. Telekompaniya manbalariga ko‘ra, “unga nisbatan jinoiy ayblov e’lon qilinishi uchun hech qanday asoslar topilmagani aniqroq va mazkur so‘roq tekshiruv yakuniga yetayotganligidan dalolat beradi”. Bu haqda ikki hafta ichida rasman e’lon qilinishi kutilmoqda.
Izoh (0)