Yo‘lovchi ayol ajrashishga qaror qilgani uchun Moskva—Vladivostok reysi kechiktirildi

Moskvaning “Vnukovo” aeroportidan Vladivostokka uchishi lozim bo‘lgan reys 6 soat kechikish bilan parvoz qildi. Guvohlarga ko‘ra, reys yo‘lovchisi bo‘lgan ayol oxirgi daqiqada samolyotni tark etgan va buni ajrashmoqchi bo‘lgani bilan izohlagan, deya xabar beradi TJournal. 

Mazkur reysda uchgan Yelena Shteynikovaning bildirishicha, yo‘lovchi ayollardan biri ajralishga ahd qilgani uchun Vladivostokka uchmaslikni lozim topgan va shu sababli barcha yo‘lovchilar qayta tekshiruvga jo‘natilgan. 

Vladivostokka uchib kelgach, Shteynikova reysni amalga oshirgan “Rossiya” aviakompaniyasi hodisani oshkor etmaslik va to‘xtalish sababchisi bo‘lgan ayolni jazolamaslikka qaror qilganiga haqida ma’lum etdi.