Qozog‘iston poytaxti Ostona aholisi soni 6-iyulda nishonlanadigan Shahar kuni arafasida million kishiga yetdi. Bu haqda 4-iyul, dushanba kuni mamlakat prezidenti Nursulton Narzarboyev “Otamakon” etno-memorial majmuidagi bayroq ko‘tarish marosimida ma’lum qildi, deya xabar beradi “TASS”.
“Benihoya quvonch bilan bugun Muhammadyorovlar oilasida Ostonaning millioninchi fuqarosi dunyoga kelganini e’lon qilaman. Endi Ostona aholisi million kishi bo‘lgan shahar”, — deya ta’kidladi Nazarboyev.
Ma’lumot uchun, poytaxtni Olmaotadan Oqmolaga ko‘chirish to‘g‘risidagi qaror Qozog‘iston Respublikasi oliy kengashi tomonidan 1994-yil 6-iyulda qabul qilindi. 1998-yil 6-mayda Oqmola nomi Ostona deya o‘zgartirildi.
Izoh (0)