Xitoylik talaba kashanda xonadoshlaridan himoyalanish uchun nafas olish qurilmasini o‘ylab topdi

Xitoylik talaba yotoqxonada passiv chekuvchi bo‘lib qolmaslik uchun nafas olish qurilmasini o‘ylab topdi, deb yozadi Meduza. Uning xonadoshlari juda ko‘p chekib, uning o‘qishiga xalal beradi. Ixtiro suratlari Xitoyning Weibo ijtimoiy tarmog‘iga joylandi.

Tamaki tutunidan himoyalanish uchun talaba boshiga tepa qismi teshilib, o‘zaro ulangan bir nechta plastik qoplardan hosil bo‘lgan “quvur”ga biriktirilgan qutini kiyib oladi. “Quvur” ikkinchi tomondan ventilyatorga ulangan. Shu tariqa, talaba sal-pal toza va salqin havodan nafas oladi.