BMT bosh kotibi Pan Gi Mun kelgusi haftada Xitoyga tashrif buyuradi va mamlakat rahbariyati bilan uchrashadi. Bu haqda bosh kotibning rasmiy vakili Stefan Dyujarrik ma’lum qildi, deya xabar beradi “TASS”.
“6-iyul, chorshanba kuni bosh kotib Nyu-Yorkdan Pekinga yo‘l oladi. Ertasiga Xitoy raisi Si Szinpin, shuningdek, davlat kengashi rahbari Li Ketsyan, kengash a’zosi Yan Szechi va tashqi ishlar vaziri Van I bilan uchrashadi”, — deya ta’kidladi Dyujarrik.
Rasmiy vakilga ko‘ra, Pan Gi Mun Pekinda nogironlar huquqi to‘g‘risidagi Konvensiya qabul qilinganining 10 yilligiga bag‘ishlangan tantanalarda ishtirok etadi va Xanchjou hamda Suchjou shaharlarida bo‘lib o‘tadigan tadbirlarda qatnashadi.
Izoh (0)