Rossiyada Turkiyaga turlar sotilishi, charter reyslar amalga oshirilishiga o‘rnatilgan cheklovlarni bekor qilinganidan bir sutka o‘tib, 1-iyul kuni mazkur mamlakat turoperatorlar takliflarini jamlovchi “Yandeks. Puteshestviya” servisida foydalanuvchilar so‘rovi bo‘yicha eng ommaviy yo‘nalishga aylandi. Bu haqda “RBK” xabar bermoqda.
“Uch kun — 29-iyundan 1-iyulgacha Turkiyaga turlar bo‘yicha so‘rovlar soni to‘rt barobarga ortdi. Shu bilan birga, Qrim va Sochi kabi yo‘nalishlar rossiyaliklarni uch marotaba kam qiziqtira boshladi”, — deya ma’lum qilgan servis vakillari.
Ma’lumot uchun, Turkiyaga ikki kishi uchun bir haftalik turlar 40 ming rubldan boshlab sotilmoqda. Bu Qrim (35 ming rubl) va Sochidan (37 ming rubl) ko‘ra birmuncha qimmatroq.
Izoh (0)