БМТ бош котиби Пан Ги Мун келгуси ҳафтада Хитойга ташриф буюради ва мамлакат раҳбарияти билан учрашади. Бу ҳақда бош котибнинг расмий вакили Стефан Дюжаррик маълум қилди, дея хабар беради «ТАСС».
«6 июль, чоршанба куни бош котиб Нью-Йоркдан Пекинга йўл олади. Эртасига Хитой раиси Си Цзиньпин, шунингдек, давлат кенгаши раҳбари Ли Кэцян, кенгаш аъзоси Ян Цзечи ва ташқи ишлар вазири Ван И билан учрашади», — дея таъкидлади Дюжаррик.
Расмий вакилга кўра, Пан Ги Мун Пекинда ногиронлар ҳуқуқи тўғрисидаги Конвенция қабул қилинганининг 10 йиллигига бағишланган тантаналарда иштирок этади ва Ханчжоу ҳамда Сучжоу шаҳарларида бўлиб ўтадиган тадбирларда қатнашади.
Изоҳ (0)