Turk razvedkasi iyun oyi boshlarida mamlakat maxsus xizmatlarini Istanbuldagi Otaturk nomli xalqaro aeroportga IShID tomonidan uyushtiraladigan terrorchilik hujumi haqida ogohlantirgan. Bu haqda CNN Turk ma’lum qildi, deya xabar beradi “TASS”.
Turkiya bosh vaziri Binali Yildirim ham aeroportga uyushtirilgan hujum ortida IShID terrorchilik guruhi turganini taxmin qilgandi.
Eslatib o‘tamiz, 28-iyun, seshanba kuni kechki payt uch nafar xudkush terrorchi Istanbul aeroportining xalqaro terminalida o‘zini portlatib yubordi. Oxirgi ma’lumotlarga ko‘ra, terakt oqibatida 43 kishi halok bo‘ldi, 230 nafardan oshiq kishi jarohat oldi. Halok bo‘lganlar orasida O‘zbekiston fuqarosi borligi aytilmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)