Yevroittifoqning 27 mamlakati yetakchisi Bryusseldagi sammitda Buyuk Britaniya bosh vaziri Devid Kemeronga chiqish eshiklarini ko‘rsatib qo‘ydi. Ular mamlakatning ittifoq bilan sheriklik yuzasidan bo‘lajak muzokaralari uchinchi davlat kabi umumiy holatda, sobiq a’zo ekanligiga imtiyozlarsiz, kafolat yoki alohida shartlarsiz olib borilishini bildirdi. Bu haqda “TASS” xabar bermoqda.
Kemeron sammitning ikkinchi kunida ishtirok etmaydi va 29-iyun, chorshanba kuni birinchi bor Yevroittifoqda qolayotgan 27 davlat rahbari to‘planadi. Ular hamjamiyat Buyuk Britaniya chiqqanidan so‘ng qanday rivojlanishini muhokama etishi ko‘zda tutilgan.
Yetakchilarning aksariyati Kemeronni mamlakati ittifoq tarkibidan chiqishi haqidagi rasmiy bildiruvni tezlashtirishga chaqirdi. Yevrokomissiya rahbari Jan-Klod Yunkerga ko‘ra, London yangi bosh vazir saylanganidan so‘ng uzog‘i bilan ikki hafta mobaynida shunday bildiruv taqdim etishi lozim.
Izoh (0)