Liviyaning Sirt shahrini ozod etish bo‘yicha operatsiya chog‘ida 10 nafar IShID jangarisi yo‘q qilindi

Liviyaning Sirt shahrini IShIDdan ozod etish bo‘yicha operatsiya chog‘ida kamida 10 nafar jangari o‘ldirildi. Hukumat tarafdori bo‘lgan kuchlarning 4 nafar jangchisi halok bo‘ldi, 24 kishi jarohat oldi. Bu haqda “Interfaks” xabar bermoqda.

Hukumat tarafdori bo‘lgan kuchlar va IShID jangarilari o‘rtasidagi janglar port hududida, terrorchilar qamal qilingan Sirtni tark etishga uringanida ro‘y bergan.

BMT tomonidan qo‘llab-quvvatlanadigan Liviyaning yangi hukumati va Misurata shahri qurolli guruhlari may oyida Sirtni jangarilardan tozalash bo‘yicha operatsiyani boshlagandi. Avvaliga shaharning g‘arbiy tumanlari ustidan tezda nazorat o‘rnatishga muvaffaq bo‘lingan, biroq keyinchalik hujum shiddati pasaygandi.

Ma’lumot uchun, Sirt 2015-yili IShID tomonidan egallagan.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.