Turkiya prezidenti Rajab Toyyib Erdo‘g‘on Anqarada Falastinning HAMAS harakati yetakchisi Xalid Mash’al bilan uchrashuv o‘tkazdi, deya xabar bermoqda “Interfaks” Jerusalem Post’ga tayanib.
Nashr ma’lumotlariga ko‘ra, Erdo‘g‘on va Mash’al Falastin jamiyati ichkarisidagi qarama-qarshiliklarni bartaraf etish va Turkiya tomonidan gumanitar yordam berilishi imkoniyatlarini muhokama qilgan.
Nashr ta’kidlashicha, so‘nggi vaqtlarda Turkiya rahbariyati mamlakatning Isroil bilan aloqalari keskin sovib ketgan olti yillik davrdan so‘ng u bilan yaqinlashishga intilishiga nisbatan umid oshmoqda.
Turkiya va Isroil o‘rtasidagi aloqalar 2010-yilda Isroil maxsus topshiriqli bo‘linmalari “Mavi Marmara” kemasidagi o‘n nafar turkiyalik aktivistni o‘ldirganidan so‘ng barbod bo‘lgan edi. O‘shanda Turkiya Isroildan rasmiy uzr, tovon puli va G‘azo sektori qurshovini bekor qilishni talab etgan, Isroil esa o‘z navbatida, HAMASning Turkiyadagi faoliyatini cheklashni so‘ragan edi.
Izoh (0)