Ливиянинг Сирт шаҳрини ИШИДдан озод этиш бўйича операция чоғида камида 10 нафар жангари ўлдирилди. Ҳукумат тарафдори бўлган кучларнинг 4 нафар жангчиси ҳалок бўлди, 24 киши жароҳат олди. Бу ҳақда «Интерфакс» хабар бермоқда.
Ҳукумат тарафдори бўлган кучлар ва ИШИД жангарилари ўртасидаги жанглар порт ҳудудида, террорчилар қамал қилинган Сиртни тарк этишга уринганида рўй берган.
БМТ томонидан қўллаб-қувватланадиган Ливиянинг янги ҳукумати ва Мисурата шаҳри қуролли гуруҳлари май ойида Сиртни жангарилардан тозалаш бўйича операцияни бошлаганди. Аввалига шаҳарнинг ғарбий туманлари устидан тезда назорат ўрнатишга муваффақ бўлинган, бироқ кейинчалик ҳужум шиддати пасайганди.
Маълумот учун, Сирт 2015 йили ИШИД томонидан эгаллаган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)