Rossiya prezidentining matbuot kotibi Dmitriy Peskov tergov xavfsizlik bo‘yicha past talablarga ega oromgoh qanday qilib Kareliyada bolalarni qabul qilganini aniqlashtirishi kerakligini aytdi, deb yozadi “Gazeta.ru”.
Uning so‘zlariga ko‘ra, Kareliyada sodir bo‘lgan fojia yuzasidan tergov harakatlari olib borilmoqda. Peskov ta’kidlashicha, tergov harakatlari davomida “bunday oromgohni tanlaganlik uchun javobgarlik, shuningdek, xavfsizlik talablari past bo‘lgan bunday oromgoh bolalarni qanday qabul qilgani bo‘yicha javobgarlik” masalasi aniqlashtiriladi.
Eslatib o‘tamiz, oldinroq Rossiyaning Kareliya Respublikasida joylashgan oromgohda dam olayotgan 47 bola va to‘rt nafar yoshi katta kuzatuvchidan iborat guruh Syamozero ko‘lidan kechib o‘tayotgan paytda po‘rtana boshlangani va buning oqibatida 14 nafar bola cho‘kib ketgani haqida xabar berilgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)