Kareliyada halok bo‘lgan 13 nafar bolaning jasadi maxsus reys bilan Moskvaga keltirildi. Bu haqda poytaxt favqulodda xizmatlaridagi manba ma’lum qildi, deya xabar beradi “RIA Novosti”.
Manbaga ko‘ra, bolalarning jasadi Ramenskoye aerodromiga olib kelingan va u yerdan o‘likxonalarga yetkazilgan. 20-iyun, dushanba kuni Moskvaga omon qolgan barcha bolalarni olib kelish mo‘ljallangan. Maxsus reys “Vnukovo-3” aeroportiga qo‘nishi kutilmoqda.
Eslatib o‘tamiz, oldinroq Rossiyaning Kareliya Respublikasida joylashgan oromgohda dam olayotgan 47 bola va to‘rt nafar yoshi katta kuzatuvchidan iborat guruh Syamozero ko‘lidan kechib o‘tayotgan paytda po‘rtana boshlangani va buning oqibatida 14 nafar bola cho‘kib ketgani haqida xabar berilgandi.
Izoh (0)