Rossiyaning Kareliya respublikasi rahbari Aleksandr Xudilaynen Syamozero ko‘lida 15 nafar bola halok bo‘lganini tasdiqlamadi. Bu haqda “TASS” xabar bermoqda.
“13 nafar bola halok bo‘lgan. O‘n to‘rtinchi bola hali topilmadi, qidiruv ishlari davom etmoqda. Bunday fojia takrorlanmasligi uchun barcha bolalar oromgohlarida tekshiruv boshlanadi”, — deya ta’kidlagan Xudilaynen.
Rossiya tergov qo‘mitasi “Xavfsizlik talablariga javob bermaydigan, ehtiyotsizlik oqibatida ikki va undan ortiq shaxs o‘limiga olib kelgan xizmatlar ko‘rsatish” moddasi bo‘yicha jinoiy ish ochdi. Mazkur jinoiy ish doirasida to‘rt nafar gumonlanuvchi — bolalar dam olgan “Park-otel Syamozero” oromgohi direktori, uning o‘rinbosari, shuningdek, ikki nafar yo‘riqchi hibsga olindi. Yaqin orada ularga nisbatan ko‘riladigan chora ma’lum bo‘ladi.
Kareliyada 20-iyun motam kuni deb e’lon qilindi.
Izoh (0)