Qirg‘iziston poytaxti Bishkekda gaz tashuvchi mashina portlashi qurbonlari soni 6 kishiga yetdi. Bu haqda mamlakat sog‘liqni saqlash vazirligi matbuot xizmati ma’lum qildi, deya xabar beradi “RIA Novosti”.
Ko‘plab kuyish jarohatlari olgan 30 yoshli erkak 18-iyun, shanba kuni ertalab Bishkek travmatologiya va ortopediya ilmiy-tadqiqot markazida olamdan o‘tdi.
Oldinroq hodisa oqibatida 5 kishi hayotdan ko‘z yumgani haqida ma’lum qilingandi.
6-iyun kuni Bishkekdagi yuk mashinalari to‘xtash joyida gaz tashish uchun mo‘ljallangan avtotsisterna portlab ketdi, so‘ng katta yong‘in boshlandi. Beshta mashina yonib ketdi, 26 dan 55 yoshgacha bo‘lgan o‘n kishi kuyish jarohatlari bilan kasalxonaga yotqizildi.
Izoh (0)