Afg‘oniston mudofaa vazirligi 20-diviziyasi vakili 11-iyun, shanba kuni jangarilar tomonidan mamlakat shimoli-sharqidagi Qunduz—Xonobod trassasida jangarilar tomonidan yo‘lovchilarni garovga olish harakatiga chek qo‘yilganini ma’lum qildi. Bu haqda “Interfaks” xabar bermoqda.
“Jarguzar aholi punkti hududida jangarilar Qunduz—Xonobod avtotrassasi yo‘lovchilarini garovga olib, ularni borish qiyin bo‘lgan manzillarga olib ketmoqchi bo‘ldi. Biroq ularning maqsadi amalga oshmadi, operatsiya chog‘ida yo‘lovchilar ozod qilindi. Hozirda mazkur hududda jangovar to‘qnashuvlar davom etmoqda. Milliy armiya bo‘linmalari Tepai Jarguzardagi jangarilar markazini nazoratiga oldi. Yaqin atrofdagi qishloqlarni jangarilardan tozalash davom etmoqda”, — ma’lum qildi diviziya vakili.
Yo‘lovchilarni ozod qilish bo‘yicha operatsiya davomida 15 nafar jangari hibsga olindi, uch nafariga jarohat yetkazildi. Qunduz viloyati politsiyasi boshlig‘i Qosim Jangalbog‘ga ko‘ra, avtotrassaning eng xavfli hududlariga politsiyaning qo‘shimcha postlari qo‘yilgan.
Izoh (0)