Ukraina prezidenti Pyotr Poroshenko Milliy xavfsizlik va mudofaa kengashining bir qator Rossiya OAVlari rahbarlariga qarshi shaxsiy sanksiyalar kiritish haqidagi qarorini tasdiqladi, deb yozadi Meduza.
Xususan, ro‘yxatga “Birinchi kanal” bosh direktori Konstantin Ernst, Russia Today bosh muharriri Margarita Simonyan, “TASS” bosh direktori Sergey Mixaylov va LifeNews telekanali sobiq bosh direktori Ashot Gabrelyanov kiritildi.
Ukraina prezidenti saytiga joylangan xabarda aytilishicha, sanksiyalar “Ukraina milliy manfaatlari, milliy xavfsizligi, suvereniteti va hududiy yaxlitligiga real va potensial tahdid soluvchi, terrorchilik faoliyatiga imkoniyat yaratib, fuqarolar huquq va erkinliklarini buzuvchi, hududlar bosib olinishiga olib keluvchi hamda Ukraina fuqarolarining tegishli huquq va erkinliklarini to‘liq amalga oshirishda to‘siqlar yaratuvchi” kishilarga qarshi joriy qilingan.
Izoh (0)