Barak Obama Yaponiyaning 1945-yilda AQSh tomonidan atom bombardimoniga uchragan Xirosima shahriga tashrifini yakunladi. Bu haqda “RIA Novosti” xabar bermoqda.
AQSh prezidenti va Yaponiya bosh vaziri Sindzo Abe Tinchlik bog‘ida bo‘lib, bu yerdagi atom bombardimoni qurbonlari xotirasiga bag‘ishlangan yodgorlikka gul qo‘yish marosimida ishtirok etdi. Unda bombardimondan jabrlangan uch nafar yaponiyalik — atom va vodorod bombalari jabrdiydalari tashkilotlari konfederatsiyasi hamraislari Sunao Suboi va Mikiso Ivasa hamda bundan bir hafta oldin Amerika tomoni kechirim so‘rashini talab etgan konfederatsiya kotibiyati mudiri Terumi Tanaka ham qatnashdi.
Marosimdan so‘ng AQSh va Yaponiya yetakchilari qo‘shma matbuot anjumanida chiqish qilib, yadroviy quroldan xoli dunyoni qurishga chaqirdi. Matbuot anjumani yakunlangach, Obama bombardimondan aziyat chekkan yaponiyaliklar bilan qisqa muloqotda bo‘ldi.
Izoh (0)