Украина президенти Пётр Порошенко Миллий хавфсизлик ва мудофаа кенгашининг бир қатор Россия ОАВлари раҳбарларига қарши шахсий санкциялар киритиш ҳақидаги қарорини тасдиқлади, деб ёзади Meduza.
Хусусан, рўйхатга «Биринчи канал» бош директори Константин Эрнст, Russia Today бош муҳаррири Маргарита Симоньян, «ТАСС» бош директори Сергей Михайлов ва LifeNews телеканали собиқ бош директори Ашот Габрелянов киритилди.
Украина президенти сайтига жойланган хабарда айтилишича, санкциялар «Украина миллий манфаатлари, миллий хавфсизлиги, суверенитети ва ҳудудий яхлитлигига реал ва потенциал таҳдид солувчи, террорчилик фаолиятига имконият яратиб, фуқаролар ҳуқуқ ва эркинликларини бузувчи, ҳудудлар босиб олинишига олиб келувчи ҳамда Украина фуқароларининг тегишли ҳуқуқ ва эркинликларини тўлиқ амалга оширишда тўсиқлар яратувчи» кишиларга қарши жорий қилинган.
Изоҳ (0)