Barak Obama Xirosimaga keldi va Yaponiyadagi bu shaharga tashrif buyurgan ilk AQSh prezidenti bo‘ldi. Bu haqda “Gazeta.ru” xabar bermoqda.
Obama Xirosimaga dengiz piyoda qo‘shinlari aviabazasida yaponiyalik va amerikalik harbiylar bilan uchrashgandan so‘ng kelgan. Davlat rahbari tashrif dasturiga ko‘ra, u Ikkinchi jahon urushining oxirgi kunlarida shaharga atom bombasi tashlanishi oqibatida halok bo‘lgan 140 ming qurbon xotirasiga hurmat bajo keltiradi.
Obama yadro qurolidan xoli dunyoni qanday tasavvur etishi haqida so‘z yuritishi kutilmoqda. Shu bilan birga, u AQSh atom bombasi tashlaganligi uchun uzr so‘rash niyatida emasligi bildirilmoqda.
Izoh (0)