Britaniyada maxsus xizmatlar ishidagi xatolik tufayli terrorchilik faoliyatiga aloqadorlikda gumonlanayotgan 800 dan ortiq kishining barmoq izlari va genetik pasportlari yo‘q qilindi, deya xabar bermoqda The Telegraph. Nashr ma’lumotlariga ko‘ra, hodisa texnik nosozlik tufayli sodir bo‘lgan.
Quyi palata a’zosi Keyt Vaz yuz bergan holat “maxsus xizmatlarga nisbatan jamoatchilik ishonchini oshirmasligi”ni aytdi. “Hodisa sabablarini tushunish uchun zudlik bilan tekshiruv o‘tkazish kerak”, — dedi parlamentariy. U ichki ishlar vazirligini kelajakda bunday voqealar oldini olishga chaqirdi, chunki ular “milliy xavfsizligimizga tahdid soladi”.
Nashr ta’kidlashicha, eng muhim ma’lumotlar juda mos bo‘lmagan bir paytda yo‘qotilgan, chunki hozir “Britaniya jiddiy terrorchilik xavfi qarshisida turibdi”.
Izoh (0)