Buyuk britaniyalik alpinist Elbrus tog‘i cho‘qqisidan tushishda qulab ketdi, deb yozadi “TASS” Elbrus baland tog‘ qidiruv-qutqaruv otryadi tezkor navbatchisiga tayanib.
“Elbrusda, taxminan 5,5 ming metr balandlikdan tushishda britaniyalik alpinist yumalab ketdi. Voqea joyiga qutqaruvchilar yuborildi, ammo ular kechasi bilan yo‘l bosishiga to‘g‘ri keladi”, — dedi u.
Ma’lumotlarga ko‘ra, o‘n kishi, asosan chet elliklardan iborat guruh cho‘qqidan (5642 metr) tushayotgan vaqtida ulardan biri qulab ketgan, uning qayerda ekanligi ayni paytda noma’lum. Alpinistlar qutqaruvchilar ro‘yxatiga kiritilgan. Ular bilan aloqa yomon, hududda past bulutlar to‘plangan va qor yog‘moqda, deyiladi xabarda.
Izoh (0)