IShIDning Liviyadagi qanotiga mansub kamida 30 nafar jangari Tripolidan sharqda berilgan aviazarbalar natijasida yo‘q qilindi. Bu haqda samolyotlari hujumni uyushtirgan “Misurata brigadasi” shtabi rasmiy vakili, polkovnik Muhammad al-G‘asriy ma’lum qildi, deya xabar beradi “TASS”.
Vakilning aytishicha, Misurata shahridan 40 kilometr sharqda chekinayotgan ekstremistlar bo‘linmalari jamlanmasi bombardimonga duch kelgan. Havo reydlari tufayli transport vositalari yo‘q qilingan. Shuningdek, jangarilarning asosiy istehkomi bo‘lgan Sirt shahri g‘arbidagi “Al-Xamisin” nazorat-o‘tkazish punkti ham qo‘lga kiritilgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)