AQSh rahbarligidagi koalitsiya kuchlari Palmira yaqiniga zarba berdi, deya xabar qiladi “RBK” AQSh Qurolli kuchlari markaziy qo‘mondonligi saytiga tayanib.
Aniqlik kiritilishicha, aviatsiya IShIDning taktik bo‘linmasiga bir marta zarba bergan. Shuningdek, guruhga tegishli avtomobil yo‘q qilingan.
Mart oxirida suriyalik harbiylar Rossiya aviatsiyasi ko‘magida Palmirani IShID jangarilaridan ozod etgan edi. Hozirda ushbu qadimiy shaharda Qurolli kuchlar xalqaro minaga qarshi markazining vaqtinchalik lageri tashkil qilingan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)