Kurd jangarilari Turkiyada bir nechta portlash sodir etdi

Turkiyaning Mardin provinsiyasidagi Nusaybin va Midyat shaharlarida hamda Tunjeli provinsiyasidagi Ovajik shahrida Kurdiston ishchilar partiyasi tomonidan uyushtirilgan bir nechta portlashlar natijasida Turkiya xavfsizlik xizmatining olti xodimi halok bo‘ldi, 12 nafari yaralandi, deb yozadi “Interfaks” Hurriyet gazetasiga tayanib.

Kurdiston ishchilar partiyasi jangarilari Nusaybinda qo‘lbola bombani portlatgan, oqibatda politsiya serjanti va ofitseri halok bo‘lgan. To‘qqiz nafar xavfsizlik xizmati xodimlari yaralangan va Nusaybin kasalxonasiga yetkazilgan.

Shuningdek, Midyatda mina joylangan avtomobil portlab, bir askar va ikki qo‘riqchining hayotiga zomin bo‘ldi.