Facebook bosh direktori Mark Sukerberg Kaliforniyaning Palo-Alto shahri hukumatiga o‘z hovlisi atrofidagi uylarni buzib, o‘rniga kichikroq yangi binolarni qurish uchun ariza berdi, deb yozadi “RBK”.
Hujjatda gap ikkita bir qavatli va ikkita ikki qavatli uylarni buzish haqida bormoqda. Ularni Sukerberg 2013-yilda sotib olgan edi. Bu ushbu hududda uning yotoqxonasi ko‘rinib turadigan uy qurilishi rejalaridan xabar topgach, sodir bo‘lgan edi. O‘shanda Facebook rahbari binolarni sotib olishga qariyb 30 million dollar sarflagan.
Avvalroq Sukerbergga yer sotgan kishi uni sudga bergan edi. Uning aytishicha, Facebook asoschisi yerni xarid qilish chog‘ida narxni kamaytirish evaziga tadbirkorni Kremniy vodiysi kazo-kazolari bilan tanishtirishga va’da bergan, ammo shartlashuvni bajarmagan.
2013-yili Facebook asoschisi Mark Sukerberg o‘z hovlisi atrofidagi to‘rtta uyni sotib olganligi haqida xabar qilingandi. Shu tariqa u o‘z uyi yonida boshqa birov katta hovli qurdirishining oldini olgan.
Izoh (0)