Facebook бош директори Марк Цукерберг Калифорниянинг Пало-Альто шаҳри ҳукуматига ўз ҳовлиси атрофидаги уйларни бузиб, ўрнига кичикроқ янги биноларни қуриш учун ариза берди, деб ёзади «РБК».
Ҳужжатда гап иккита бир қаватли ва иккита икки қаватли уйларни бузиш ҳақида бормоқда. Уларни Цукерберг 2013 йилда сотиб олган эди. Бу ушбу ҳудудда унинг ётоқхонаси кўриниб турадиган уй қурилиши режаларидан хабар топгач, содир бўлган эди. Ўшанда Facebook раҳбари биноларни сотиб олишга қарийб 30 миллион доллар сарфлаган.
Аввалроқ Цукербергга ер сотган киши уни судга берган эди. Унинг айтишича, Facebook асосчиси ерни харид қилиш чоғида нархни камайтириш эвазига тадбиркорни Кремний водийси казо-казолари билан таништиришга ваъда берган, аммо шартлашувни бажармаган.
2013 йили Facebook асосчиси Марк Цукерберг ўз ҳовлиси атрофидаги тўртта уйни сотиб олганлиги ҳақида хабар қилинганди. Шу тариқа у ўз уйи ёнида бошқа биров катта ҳовли қурдиришининг олдини олган.
Изоҳ (0)