AQSh va Buyuk Britaniyadagi o‘nlab maktablarning minglab o‘quvchilari uyushgan holda amalga oshirilgani taxmin qilinayotgan tahdidli qo‘ng‘iroqlardan so‘ng evakuatsiya qilindi. Bu haqda “RBK” xabar bermoqda.
Britaniyada tahdidlarning hech biri tasdiqlanmadi. Ko‘p holatlarda bolalar mashg‘ulotlarga qaytgan, biroq qo‘ng‘iroqlar mamlakatda milliy imtihonlarning borishiga xalaqit bergan.
AQShda kamida 21 shtatdagi maktablarga qo‘ng‘iroqlar bo‘lgan. Ularni federal qidiruv byurosi (FQB) bilan hamkorlikda ishlayotgan mahalliy huquq-tartibot idoralari o‘rganib chiqmoqda.
Ikki mamlakat uchun ham bunday tahdidli qo‘ng‘iroqlar yangilik emas, o‘tgan safar ular ommaviy ravishda dekabr oyida qayd etilgandi. Biroq bu gal ularning soni haddan ziyod ko‘p bo‘lgani bildirilmoqda.
Izoh (0)