Selenga daryosi va uning irmoqlarida uchta gidroelektr stansiyasi qurilishi Baykal ko‘lining qurishiga olib kelishi mumkin. Agar choralar ko‘rilmasa, u Orol dengizi kabi yo‘qolib ketishi mumkin, deb yozadi “Izvestiya”.
Mongoliya tomonidan Selenga daryosi va uning irmoqlarida qurish rejalashtirilgan uchta yirik gidrostansiya Baykalning ekologik holatiga ortga qaytarib bo‘lmaydigan salbiy ta’sir o‘tkazadi. Bunday ma’lumotlar Rossiya energetika vazirligining yopiq majlisida keltirib o‘tildi.
Nashrning hukumat va yetakchi energetik kompaniyalardagi manbalari aytishicha, qurilishni bekor qilish uchun Mongoliyaga buning evaziga nimadir taklif qilish kerak, chunki uni Rossiya elektr energiyasi yetkazib beradigan iqtisodiy shartlar qoniqtirmaydi.
Selenga daryosi Baykalga oqib tushadigan suvning 80 foizgacha bo‘lgan qismini ta’minlaydi. Mongoliya ushbu daryoda 245 MVt quvvatiga ega “Shuren” GES, uning ikkita irmog‘ida esa yana 220 va 100 MVt quvvatiga ega ikkita GES qurishni ko‘zlamoqda.
Izoh (0)