Avstriya prezidentligiga saylovlarda rossiyalik muhojirlar o‘g‘li, mustaqil nomzod, “yashillar” partiyasining sobiq yetakchisi Aleksandr Van der Bellen g‘olib chiqdi. Bu haqda “Korrespondent.net” xabar bermoqda.
Van der Bellenning otasi Pskovdan bo‘lib, Oktabr inqilobidan so‘ng Estoniyaga ko‘chib o‘tgan va davlat rahbarining bo‘lajak onasini uchratgan. 1940-yili, Estoniya sobiq Ittifoq tomonidan anneksiya qilingach, Van der Bellenlar Avstriyaga borib qolgan va shu yerda mamlakatning yangi prezidenti tug‘ilgan.
Prezidentlik saylovlarida ovoz berish huquqiga ega fuqarolarning 72,7 foizi ishtirok etdi. Van der Bellenning raqibi, millatchilik kayfiyatidagi siyosatchi Norbert Xofer mag‘lubiyatini tan oldi.
Avstriya federativ davlatdir, prezident esa uning rahbari hisoblanadi, biroq ijro hokimiyati to‘liq bosh vazir qo‘lida jamlangan. Prezident 6 yil muddatga saylanadi.
Izoh (0)