АҚШ ва Буюк Британиядаги ўнлаб мактабларнинг минглаб ўқувчилари уюшган ҳолда амалга оширилгани тахмин қилинаётган таҳдидли қўнғироқлардан сўнг эвакуация қилинди. Бу ҳақда «РБК» хабар бермоқда.
Британияда таҳдидларнинг ҳеч бири тасдиқланмади. Кўп ҳолатларда болалар машғулотларга қайтган, бироқ қўнғироқлар мамлакатда миллий имтиҳонларнинг боришига халақит берган.
АҚШда камида 21 штатдаги мактабларга қўнғироқлар бўлган. Уларни федерал қидирув бюроси (ФҚБ) билан ҳамкорликда ишлаётган маҳаллий ҳуқуқ-тартибот идоралари ўрганиб чиқмоқда.
Икки мамлакат учун ҳам бундай таҳдидли қўнғироқлар янгилик эмас, ўтган сафар улар оммавий равишда декабрь ойида қайд этилганди. Бироқ бу гал уларнинг сони ҳаддан зиёд кўп бўлгани билдирилмоқда.
Изоҳ (0)