Belgiya harbiy-havo kuchlari IShID jangarilarining Suriyadagi marralariga aviazarbalar berishni boshlaydi. Bu haqda 13-may, juma kuni AQSh mudofaa vaziri Eshton Karter ma’lum qildi, deya xabar beradi “TASS”.
“Xalqaro aksilterror koalitsiyasining IShIDga qarshi havo operatsiyalari doirasida Belgiya aviatsiyasi Suriyada aviazarbalar berishni boshlashi haqidagi bayonoti uchun bosh vazir Sharl Mishel va mudofaa vaziri Steven Vandepyutga minnatdorchilik bildiraman. Belgiya koalitsiyaning muhim a’zosi, mazkur bayonot esa aksilterror kampaniyasi uchun hal qiluvchi pallada e’lon qilindi”, — deya ta’kidlagan Karter.
Belgiya HHKning bir necha F-16 qiruvchi samolyotlari jangarilarga aviazarbalar berishda ishtirok etishi bildirilmoqda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)