Rossiya prezidenti Vladimir Putinga namoyishi chog‘ida uzilib ketgan “UAZ-Patriot” avtomobili tutqichi joyiga qaytarildi. Kreml mazkur voqeaga jiddiy munosabatda bo‘lmaslikka chaqirmoqda, deya xabar beradi “TASS”.
“Bo‘lib o‘tgan voqea mashinaning sifatiga aloqador emas, bunga mezon ham bo‘lolmaydi. Shuning uchun, keling, bu kabi hangomalarga yumor va xayrixohlik bilan munosabatda bo‘laylik. Masalaga jiddiy tus berish yoki qandaydir hayfsanlar kutish kerak emas. Eshik tutqichi esa joyiga qaytarilgan, xotirjam bo‘ling”, — deya izoh bergan prezidentning matbuot kotibi Dmitriy Peskov jurnalistlarning bu haqdagi savollariga javoban.
Izoh (0)