Бельгия ҳарбий-ҳаво кучлари ИШИД жангариларининг Суриядаги марраларига авиазарбалар беришни бошлайди. Бу ҳақда 13 май, жума куни АҚШ мудофаа вазири Эштон Картер маълум қилди, дея хабар беради «ТАСС».
«Халқаро аксилтеррор коалициясининг ИШИДга қарши ҳаво операциялари доирасида Бельгия авиацияси Сурияда авиазарбалар беришни бошлаши ҳақидаги баёноти учун бош вазир Шарль Мишель ва мудофаа вазири Стевен Вандепютга миннатдорчилик билдираман. Бельгия коалициянинг муҳим аъзоси, мазкур баёнот эса аксилтеррор кампанияси учун ҳал қилувчи паллада эълон қилинди», — дея таъкидлаган Картер.
Бельгия ҲҲКнинг бир неча F-16 қирувчи самолётлари жангариларга авиазарбалар беришда иштирок этиши билдирилмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)