Polshaning Redzikovo qishlog‘ida AQShning raketaga qarshi mudofaa tizimini qurish ishlari boshlandi, deya xabar bermoqda “RBK”.
Qurilishning ochilishida Polsha prezidenti, mamlakat mudofaa va tashqi ishlar vazirlari, AQSh tomonidan esa mudofaa vaziri o‘rinbosari, elchi, AQSh harbiy-dengiz kuchlarining Yevropadagi bosh qo‘mondoni, shuningdek, Ruminiya mudofaa vaziri qatnashdi.
Polsha mudofaa vaziri Antoni Matserevich raketaga qarshi mudofaa tizimini o‘rnatishdan maqsad Polsha va ittifoqdoshlarining mudofaa qobiliyatini oshirishdan iborat ekanligini aytdi.
Polshada baza qurish bo‘yicha 182 million dollarlik shartnoma 2016-yil fevralida imzolangan edi. 2018-yilda ishga tushiriladigan obyektda 300 nafargacha harbiy xizmatchi va oddiy fuqarolar xizmat qiladi.
Eslatib o‘tamiz, 12-may, payshanba kuni Ruminiyadagi Deveselu bazasida NATOning raketaga qarshi mudofaa qurilmasi ishga tushirilgan edi.
Izoh (0)