Keniya rasmiylari iqtisodiy jihatdan og‘ir yuk bo‘layotgan, jinoyatchilik bilan bog‘liq vaziyatni murakkablashtirayotgan va ekologik muammolarni keltirib chiqarayotgan qochoqlar lagerlarini yopishni mo‘ljallamoqda. Bu haqda “Interfaks” xabar bermoqda.
“Keniya qochoqlar lagerlarini 25 yildan beri ta’minlab keladi. Ularda mamlakat hududida hujumlar uyushtirish bilan shug‘ullanib kelayotgan ‘Ash-Shabob’ guruhi uchun jangarilar yollanmoqda”, — deya ta’kidlagan Keniya IIV vakili Karanja Kibicho.
Rasmiylarning ushbu qarori dunyodagi eng katta qochoqlar lageri ( 300 mingdan ziyod kishi, asosan somaliliklar istiqomat qiladi) bo‘lgan Dadaab va ko‘pchiligi Janubiy Sudandan kelgan 190 ming atrofidagi qochoq yashaydigan Kakumaga ham taalluqli ekanligi bildirilmoqda.
Bunga qarshi chiqayotgan huquq himoyachilari hisob-kitobiga ko‘ra, mazkur choralar tufayli 600 mingga yaqin kishi boshpanasiz qoladi.
Izoh (0)