Xitoy baliqchilik kemasi halokatga uchrashi oqibatida 17 kishi bedarak yo‘qoldi

Sharqiy Xitoy dengizida Xitoyning baliqchilik kemasi xorijiy yuk kemasi bilan to‘qnashib, cho‘kib ketdi. Buning oqibatida 17 kishi bedarak yo‘qoldi, deya xabar beradi “RBK”.

To‘qnashuv 7-may, shanba kuni mahalliy vaqt bilan 03:40 da ro‘y bergan. Kema bortida 19 kishi bo‘lgani, ikki kishi qutqarib qolingani bildirilmoqda.

Bedarak yo‘qolganlarni qidirish bo‘yicha operatsiya davom etmoqda.