Leyboristlar partiyasi vakili, 45 yoshli Sodiq Xon Buyuk Britaniya poytaxti meri etib saylandi. Asli kelib chiqishi pokistonlik, islom diniga e’tiqod qiladigan Xon Londonning ilk musulmon yetakchisi bo‘ldi. Bu haqda TJournal xabar bermoqda.
Xon 44% (1,1 million), uning raqibi Zak Goldsmit esa 35% (910 ming) ovoz oldi. Shu paytgacha Londonni sakkiz yil davomida konservator Boris Jonson boshqarib kelgandi.
O‘zining saylovoldi kampaniyasida Sodiq Xon Londonda uy-joy qimmatligi va transport muammolarini hal etishga e’tibor qaratdi. Yangi mer narxi 450 ming funt sterlingdan (650 ming dollar atrofida) boshlanadigan “boshlang‘ich darajadagi” uylar qurishga kirishishni va’da qilgan.
Izoh (0)