Кения расмийлари иқтисодий жиҳатдан оғир юк бўлаётган, жиноятчилик билан боғлиқ вазиятни мураккаблаштираётган ва экологик муаммоларни келтириб чиқараётган қочоқлар лагерларини ёпишни мўлжалламоқда. Бу ҳақда «Интерфакс» хабар бермоқда.
«Кения қочоқлар лагерларини 25 йилдан бери таъминлаб келади. Уларда мамлакат ҳудудида ҳужумлар уюштириш билан шуғулланиб келаётган ‘Аш-Шабоб’ гуруҳи учун жангарилар ёлланмоқда», — дея таъкидлаган Кения ИИВ вакили Каранжа Кибичо.
Расмийларнинг ушбу қарори дунёдаги энг катта қочоқлар лагери ( 300 мингдан зиёд киши, асосан сомалиликлар истиқомат қилади) бўлган Дадааб ва кўпчилиги Жанубий Судандан келган 190 минг атрофидаги қочоқ яшайдиган Какумага ҳам тааллуқли эканлиги билдирилмоқда.
Бунга қарши чиқаётган ҳуқуқ ҳимоячилари ҳисоб-китобига кўра, мазкур чоралар туфайли 600 мингга яқин киши бошпанасиз қолади.
Изоҳ (0)