Janubiy Koreya prezidenti Pak Kin Xe mamlakat vazirliklari va agentliklariga KXDR tomonidan navbatdagi yadro sinovi amalga oshirilishiga tayyor turishni buyurdi. Bu haqda u vazirlar mahkamasi a’zolari bilan uchrashuv chog‘ida ma’lum qildi, deb xabar beradi “TASS”.
“Koreya Mehnat partiyasi syezdi arafasida Pxenyan atom bombasi sinoviga tayyorgarlikni olib bormoqda va buni istalgan payt amalga oshirishi mumkin. Shu bois mamlakatning barcha muassasalari voqealarning bu kabi rivojiga tayyor turishi lozim. Agar Shimol portlashni sodir etgudek bo‘lsa, bu mintaqada barqarorlik va xavfsizlikka zarba beradigan navbatdagi provokatsiya bo‘ladi”, — deb ta’kidlagan prezident.
KXDR Mehnat partiyasining 36 yil mobaynidagi birinchi syezdi 6-may kuni o‘tkazilishini e’lon qilgan.
Izoh (0)