Жанубий Корея президенти Пак Кин Хе мамлакат вазирликлари ва агентликларига КХДР томонидан навбатдаги ядро синови амалга оширилишига тайёр туришни буюрди. Бу ҳақда у вазирлар маҳкамаси аъзолари билан учрашув чоғида маълум қилди, деб хабар беради «ТАСС».
«Корея Меҳнат партияси съезди арафасида Пхеньян атом бомбаси синовига тайёргарликни олиб бормоқда ва буни исталган пайт амалга ошириши мумкин. Шу боис мамлакатнинг барча муассасалари воқеаларнинг бу каби ривожига тайёр туриши лозим. Агар Шимол портлашни содир этгудек бўлса, бу минтақада барқарорлик ва хавфсизликка зарба берадиган навбатдаги провокация бўлади», — деб таъкидлаган президент.
КХДР Меҳнат партиясининг 36 йил мобайнидаги биринчи съезди 6 май куни ўтказилишини эълон қилган.
Изоҳ (0)