Belgiya aholisiga radiatsiyaning odam organizmiga ta’sirini susaytirish xususiyatiga ega, tarkibida yod bo‘lgan dorilar tarqatiladi, deya xabar bermoqda “RIA Novosti” mamlakat sog‘liqni saqlash vaziriga tayanib.
Federal hukumat yadroviy markazlarga yondosh bo‘lgan aholi punktlarida profilaktika nuqtai nazaridan radiatsiyaga qarshi dori tarqatiladigan hududni 20 dan 100 kilometrgacha kengaytirdi. Shu tariqa, atom elektr stansiyasi Belgiyaning Valloniya va Flandriya provinsiyalarida joylashganini hisobga olib, potensial xavfli hududga qirollikning barcha aholisi kirdi.
Avvalroq Germaniya, Niderlandiya va Lyuksemburg Flandriyadagi “Dul” AESning uchinchi reaktori va Valloniyadagi “Tianj” AESning ikkinchi energobloki ishini vaqtinchalik to‘xtatib qo‘yishga chaqirgan edi.
Ularning xavotiri Belgiya AESlarida so‘nggi vaqtlarda qayd etilayotgan texnik hodisalar bilan bog‘liq bo‘lib, ular reaktorlar avtomatik tarzda to‘xtab qolishiga olib kelgan edi.
Izoh (0)